صرخن اسمعت القوافي آه ويلي اتيتمن
ملافاضل رحل عنهن چان شاعر للوطن
هاي بوذيته الحچاها يدري بهموم الزمن
ماينصح لاوين اويانه
يگولون الظلم ميدوم هدّام
و چثيره ابيوت لأهل المجد هدام
يود ويريد الإستعمار هدام
يسيل بکل صباح و کل مسيّه
شاکر العاشوري
انهدم قصر القوافي و خل يون تاج الشعر
و الوزن تيه طريجه و بعد مايملک فکر
ينحب الهات و عتابه و تبچي بوذيه ابکتر
هم فاضل صاب المهداوي
سيد رضا النزاري
شگ زیجه الشعر ینعاک وبوزانه اصبحت لیه
الجناس اتیتم ابهل یوم وشیعنه الابوذیه
اسمعت رباط هوسه اینوح ابمیدان الفلاحیه
حچای الدورگ سد عینه
ک: فوادیورانی
بحر الشعر طفح آه ویبچن کل قوافیه
الموال دمعه ایسیل الک وی الابوذیه
ماتنساک یافاضل های اهل الفلاحیه
اسمک لتالی ایجیبونه
لتالی اسم فاضل علم دورگنه یخوانی
وتبقه ابگلب کل اناس ابوذیت السکرانی
انکسر قلم الشعر منشال یهلی ابحزن خلانی
ادورگ فاضل ماینسا
ماینسا الدورگ دوم عنوان الابوذیه
المله اشمحله من ایگول احبچ یلفلاحیه
علیک اتون اهالی الجود اهلی ابحزن ملتیه
ودورگ محزن خلیته
الشاعر توفیق الداودی
راح ابو چلمت الحلوه او راح ابوطبع الفرید
بس بگن اشعار عنده ابکل سمه ایرعدن رعید
یاهو گلک مات فاضل بعده مو میت اکید
( مامات ضل مهدی امچانه)
مجتبی صادق الزرگانی
جيت ابخبر مامسموع الك يبن الفلاحيه
چن شفت ابعيني ابطيف كاتب بيدك اوصيه
أحط شعر العرب كافور وأچفنك بلأبوذيه
(والهوسه اتصير العصابة)
فاتحه امسويه الأبوذيه ابحزن معدان ومصيبه
وباب المظيف ابيات شفت للمله ابكتيبه
اتحزمت بلچرغديه وگصصت حتي الگصيبه
متنگبه اتريد الزچاها
عسر سيري ابركب شعري ولحدي
وأحس اگضي بظهر سبتي ولحدي
أبات أتحلم إبموتي ولحدي
ألحلم ماهو حلم بل علم ليه
الشاعر توفيق الساري
انکسر ظهرالشعر هلیوم موبس الابوذیه
گوم اگعد یفاضل شوف یتمت الفلاحیه
شلت وهتزت الارکان صارت علوطن فیه
لن فاگد خیاله امن ایده
علی یبرالحزباوی
ظل أله ألموال یبچی وبیت أبوذیتی أبحزن
وفزت ألومضه أبرحیله وشعری ماضل بی وزن
شعب ألأهواز أعله فگده دمعه کت کت ألمزن
وتیتم شعر ألأهوازی
أحمدألحاج سبهان الحزباوی
امطین شفت شایب شعرنه وعیونه تتهاطل دموع
گتله اشجر الک یاشعرنه لیش حزنان اوتلوع
گلی الیوم احسنبیه خانت اضلوع
من گالو مات السکرانی
جاسم ابوعثمان الهاشمی
