دوک الصبــــر یا مزبـــــــان وکلا الچــانت خدم هسه اصبحت وکلا
شفت شاة الغنم کض ذیب وکلا ویصیـح ادخیل وین اهل الحمیه
الخنسه ماتون ونــــــی ویرهه وچوانینه حدر ضلعی ویرهه
الدهـــر چلب مخالیبه وبرهه ابگلبـــی وفعل کل ماراد بیه
يراعي العود يرّ العود سلبي نهل حيلي و تم العظم سلبي
يحرمه ذاک حيد الزلم سلبي يصيح ادخيل وين اهل الحميه
نجوم الیل احسبه وعده تلوی الروح من توصل وعده
لزم عشمای امرجه وعده و دوس ابصدر من زامط علیه
ارودن من بعد والچان ینراد راح ولا تظن بلراح ینراد
العازات الزمان الشهم ینراد ذخر وانا الذخر راح إمن ادیه
غویک من یصیر اصیاح جلده ابعباره صبر و قلوب جلده
اسل لا یغشک نعم جلده تراها ابراسه اسموم حیه
باتن یا صافنات الرمک بالعین ابدگتنه اشکثر عجبان بالعین
اصواب الدهر صار اویای بالعین خذه اخیار السلف والبی حمیه
الخنسه ماتون وني ويرهه و چوانيني حدر ضلعي ويرهه
الدهر چلّب مخاليبه ويرهه ابگلبي و فعل کل ماراد بيه
راح الـي یشیــل الحمل وعــره تـکل للیصیب الدهــر وعـره
دچلب راسهـــا والگاع وعـره اراخی اعنانه ایطیـح ابهبیـه
راح الچنت اگصــــــــدنه و زوره وجفــــاه ایملــخ ابچبدی و زوره
الاسد لوخلصن اچمومه و زوره یرک عزمه و یعیش ابمهظمیـه
ثلاثة و اربعة و اثنین، تسعه و یا نار الشوق بالدلال تسعه
و لوماتو بالخوان تسعه ولا فیّوا مثل فیتک علیه
الدهر داغات صوّبنی ولبنی لاخیّی شگف عنّی و لبنی
حَلَفت بکل دار ماعمّر و لابنی جمعت اهمومی صارت دار لیّه
سنة، سنة الصعیبه و سنة خِلّه خذانی السبع مااحد گال خلّه
علی روس الحموله تصیر خلّه خذه عالی النزول و گطع فیة
لوچ الدهر یا مزبان وکله الکانت غلمان صفت وکله
ترضه الشاة کظ الذیب و کله ویصیح ادخیلکم یا اهل الحمیة
الدنیا من تحارب رجل تنفیه تضکّه و لاتخلی له درب تنفیه
اثاری الضحک للمغبون تنفیه تحسده الناس و العلّه خفیة
