الشاعر محسن الفرحانی
شفت واحد نسه اخوانه و التهه بل مال ایلم
او شفت واحد لم اخوته وبلفلس ما یستهم
ارد اناشدکم یهلنه یا هو احسن یفتهم
الجمع اهله او خوانه
ایزامط باچر عدوانه
او بیهم یشتد میدانه
یشتد من زود الیزاله
اذا عندک ابنیه اتصیر زغیره او بلمهد تلعب
کرامه الحیدر الکرار سمی ابنیتک زینب
واذا عندک ولد یل عریس علی اسم الولد لا تتعب
اسم العباس اشمحلاته
اسباع اهلنه ال بلزویه وحگ سبع الگنطره
او من تصیر الکلفه توگف تشتری الشر مشترا
عنهم التاریخ سولف خله یدری المادرا
الشر ما زامط زامطنا
تدری الهوسه عدهه اشروط فسر در معانیهه
و بس راس الیشیله الغیض یدرکهه او یحس بیهه
عزمهه ابشیمت الیزال تبرد لا یخلیهه
لو گبر ماو التفاگه
عدنه بلزویه اسباع بیهم دوم اسد فیه
و اهل الکوت الهم یوم و بعد زود الفلاحیه
شبیشه و ثلث تنعام الی اعلی الراس چفیه
یا ویلی الشر من نتلاگه
الهوسه لا تکضهه ابسهوله او رایده یرعت گلب
الما یطب للهوسه یهلی ما یطب ملعب حرب
العرب من خطباو الهوسه رضت ما یت ابغصب
من سیل الدم حنیناهه
حچی الزین اله شرای و تتعنز قوافیه
وهوسه الزینه للیزال تصبح یهلی روحیه
الحچیک لوردت شرای هوس بل فلاحیه
حتی الشیاب ادچ بیهه
